05.12.2017 1602

“Biznes bilan tanishuv” mavzusidagi malaka oshirish o'quv mashg'ulotlari tashkil etildi.


O'zbekiston Respublikasi Prezidentining 2017 yil 19 iyundagi “Biznesning qonuniy manfaatlari davlat tomonidan muhofaza qilinishi va tadbirkorlik faoliyatini yanada rivojlantirish tizimini tubdan takomillashtirishga doir chora-tadbirlar to'g'risida”gi PF-5087-sonli Farmonda ko'zda tutilgan vazifalar hamda O'zbekiston Respublikasi Prezidentining 2017 yil 19 iyundagi “O'zbekiston Respublikasi Savdo-sanoat palatasi faoliyatini tashkil etishni takomillashtirish to'g'risida”gi PQ-3068-sonli qarori 6-bandining ijrosini ta'minlash maqsadida O'zbekiston Respublikasi Oliy va o'rta maxsus ta'lim vazirligi, O'rta maxsus kasb-hunar ta'limi markazi va Savdo-sanoat palatasi tomonidan “O'zbekistonda kasbiy ko'nikmalarni rivojlantirish” IV faza loyihasining moliyaviy ko'magida Xalqaro Mehnat Tashkiloti tomonidan tayyorlangan “Know About Business” (Biznes bilan tanishuv) qo'llanmasi o'zbek va rus tillariga tarjima qilindi.

“Biznes bilan tanishuv” o'quv qo'llanmasi asosida O'zbekiston Respublikasi Savdo-sanoat palatasining hududiy boshqarmalari va Tadbirkorlikka ko'maklashish markazlarining rahbarlari va mutaxassislari uchun 28 noyabrdan 5 dekabrgacha Namangan viloyatining To'raqo'rg'on, Chust va Namangan tumanlarida “Biznes bilan tanishuv” mavzusidagi malaka oshirish o'quv mashg'ulotlari tashkil etildi. Ushbu o'quv mashg'ulotlarida To'raqo'rg'on, Kosonsoy, Chust, Pop, Namangan va Mingbuloq tumanlaridagi kasb-hunar kollejlarining “Tadbirkorlik va ishga joylashtirish asoslari” fan o'qituvchilari va O'zbekiston Respublikasi Savdo-sanoat palatasi Namangan viloyat hududiy boshqarmasining mazkur tumanlardagi “Tadbirkorlikka ko'maklashish markazlari”ning rahbar va mutaxassislari ishtirok etdilar.

“Biznes bilan tanishuv” o'quv kursi o'z biznesini boshlamoqchi bo'lganlar uchun birinchi bosqich kurs bo'lib, o'quv kursi ishtirokchilarining korxonalarning turlari va tadbirkorlarning jamiyatda tutgan o'rni va tadbirkorlikning jamiyat uchun muhimligi, o'z vaqtini boshqarish, o'z-o'zini band qilish, tadbirkorlik maqsadlarini qo'yish, mas'uliyatni o'ziga olish, tadbirkorlik qarorlarini qabul qilish, muzokaralar olib borish, tadbirkorga muvaffaqiyat keltiruvchi qobiliyatlar, korxonalarni muvaffaqiyatli tashkil etishning asosiy omillari,tadbirkorlik g'oyalarini shakllantirish usullari va ishbilarmon doiralarda ochiladigan imkoniyatlarni aniqlash, korxonani tashkil qilish uchun resurslarning manbaalari va ularini safarbar etish,xodimlarni tanlash va ularni boshqarish, tadbirkorlik uchun axborot manbalari, biznes reja va uning natijalari qanday talqin qilinishi bo'yicha malakalari oshirildi.

O'quv kurslarida qatnashgan ishtirokchilarga Namangan viloyat o'rta maxsus kasb-hunar ta'limi boshqarmasi va Savdo-sanoat palatasi Namangan viloyat hududiy boshqarmasi xuzuridagi “Zamonaviy kelajak ta’lim”NTM tomonidan sertifikatlar taqdim etildi.

Eslatib o'tamiz joriy yilning 26-27 oktyabr kunlari bu kabi 2 kunlik seminar-trening Toshkent shaxrida o'tkazilgan edi. Endilikda Norin, Uchqo'rg'on, Yangiqo'rg'on, Chortoq, Uychi va Namangan shahri faoliyat ko'rsatuvchi kasb xunar kollejlari hamda “Tadbirkorlikka ko'maklashish markazlari”ning vakillari uchun huddi shunday o'quv mashg'ulotlari Norin va Yangiqo'rg'on tumanlari hamda Namangan shahrida o'tkazish rejalashtirilgan.

 

O'zSSP Axborot xizmati