03.04.2019 1999

Xalqaro Hunarmandchilik festivali ramzi (logotipini) yaratish bo'yicha ijodiy tanlov g'oliblarini taqdirlash marosimi bo'lib o'tdi.


2019 yil 2 aprel kuni O'zbekiston Savdo-sanoat palatasi va «Hunarmand» uyushmasi tomonidan 2019 yil sentyabr oyida Qo'qon shahrida bo'lib o'tishi rejalashtirilgan Xalqaro Hunarmandchilik festivali ramzi (logotipini) yaratish bo'yicha ijodiy tanlov g'oliblarini taqdirlash marosimi tashkil etildi.

Taqdirlash marosimida O'zbekiston Savdo-sanoat palatasi, «Hunarmand» uyushmasi, O'zbekiston Badiiy akademiyasi, Turizmni rivojlantirish bo'yicha Davlat qo'mitasi, O'zbekiston Milliy teleradiokompaniyasi, O'zbekiston matbuot va ommaviy axborot agentligi, shuningdek, rassomlar va ommaviy axborot vakillari ishtirok etdilar.

Ta'kidlash joizki, ohirgi yillarda O'zbekiston Respublikasi Prezidenti hurmatli SH.M.Mirziyoev tashabbuslari bilan mamlakatda milliy hunarmandchilikni yanada rivojlantirishga hunarmadlarga imtiyozli kreditlar berish, mahsulotlarini eksport qilishlarida ko'maklashish, tuman va shaharlarda hunarmandchilikni rivojlantirish markazlarini yaratish orqali katta e'tibor berilmoqda.

Shuningdek, «Hunarmand» uyushmasi faoliyati xam qaytadan ko'rib chiqildi, va 2019 yil mart oyida uyushma Butunjahon hunarmandlar kengashining to'liq a'zosiga aylandi.

2018 yil dekabr oyida Xalqaro Hunarmandchilik festivali ramzi (logotipini) yaratish bo'yicha ijodiy tanlov boshlangani e'lon qilindi. Tanlovda mamlakatimizning professional reklama kompaniyalari vakillari, hunarmandlar, rassom va talabalar ishtirok etdilar.

Tanlov davomida hakamlar hayati festivalning ramziy xususiyatlariga, noyob badiiy yechimlariga, badiiy g'oyasiga, festivalning dolzarbligiga va xalq amaliy sanati hunarmandchiligiga alohida e'tibor qaratdilar.

Tanlov davomida 145 ta muallifdan ja'mi 202 ta festival ramzi loyihasi ko'rib chiqildi. Tanlov yakunlari bo'yicha, 3-o'rinni Rasulov Kamolxon egalladi. 2-o'rin G'ayratov Jasurga munosib ko'rildi. Tanlov g'olibligi va 1-o'rin sertifikatiga Ishmatov Baxtiyor sazovor bo'ldi.

G'oliblarga Halqaro Hunarmandchilik festivali tashkiliy qo'mitasi tomonidan pul mukofoti va esdalik sovg'alari topshirildi.

 

O'z SSP Axborot xizmati