15.08.2019 452

Turistik faoliyat va xizmatlar uchun soliq imtiyozlari berildi


Turistik faoliyat va xizmatlar uchun soliq imtiyozlari berildi, deya xabar bermoqda O'zbekiston Respublikasi Adliya vazirligi.

Farmonga muvofiq, (https://t.me/huquqiyaxborot/5328) 2023 yil 1 yanvarga qadar quyidagilar:

  • etib borish qiyin bo'lgan va chekka joylarda kemping va “safari” turizmi xizmatlarini ko'rsatadigan yuridik shaxslar foyda, yer va mol-mulk solig'i hamda yagona soliq to'lovi;
  • yuridik shaxslar jahon standartlariga mos golf majmualarini barpo etish loyihasi doirasida foyda, yer va mol-mulk solig'idan, jalb qilingan xorijiy mutaxassisga haq to'lashda yagona ijtimoiy to'lovdan, loyiha uchun tovarlarni olib kirishda bojxona boji va aksiz solig'idan;
  • zamonaviy sanitariya-gigiena shoxobchalarini tashkil etadigan yuridik shaxslar ushbu faoliyat bo'yicha foyda, yer va mol-mulk solig'i hamda yagona soliq to'lovidan;
  • respublikaga olib kiriladigan dor (osma) yo'llarini, “banji-jamping” va “ziplayn” attraksionlarini, boshqariladigan (dirijabl, havo shari) va boshqarilmaydigan (erkin uchish) aerostatlar, gondolalar, “rafting” va “flaybording” uchun uskunalar, shuningdek, “buggy car”, faetonlar, joylashtirish vositasi sifatida tunab qolish uchun jihozlangan (g'ildirak ustidagi uylar) yoki kafe-furgonlarga aylantirilgan (“fudtrak”) yer usti transport vositalari bojxona boji va aksiz solig'idan ozod etiladi.