13.09.2019 395

Hunarmandlar koʼrik-tanlovida kim gʼolib boʼladi?


Qoʼqon. Xalqaro hunarmandchilik festivali doirasida hunarmandlarning koʼrik-tanlovi oʼtkazilmoqda.
 
Tanlov ishtirokchilarining mahoratlarini baholash uchun xalqaro hayʼat tuzilgan boʼlib, uning tarkibiga yuqori malakali mutaxassislar, taniqli sanʼat va madaniyat arboblari, olimlar, tadqiqotchilar, amaliyotchilar, shuningdek, ishtirokchi davlatlardan tegishli sohalar namoyandalari kiritilgan.
 
Аyni paytda ular taqdim etilgan materiallarni belgilangan mezonlar asosida koʼrib chiqmoqda.
-Koʼrik-tanlovda 76 davlatdan 204 nafar, mamlakatimizdan esa 1 ming 116 nafar hunarmandlar oʼzlarining 20 dan ortiq yoʼnalishdagi ishlarini taqdim qilgan, – deydi hayʼat aʼzosi, Respublika “Hunarmand” uyushmasi raisi oʼrinbosari Аkobir Hakimov. – Xalqaro hayʼat tomonidan koʼrik-tanlov ishtirokchilarining mahsulotlari koʼrgazmasi va mahorat darslari 5 ta nominatsiya – “Eng yaxshi hunarmand”, “Eng yosh hunarmand”, “Eng yaxshi hunarmandchilik maktabi ustasi”, “Qadimiy sulola davomchisi” va “Qadimiy hunarmandchilik turini tiklagan hunarmand” boʼyicha baholanadi.
 
Koʼrik-tanlov gʼoliblari tashkiliy qoʼmita tomonidan diplom, haykalcha va pul mukofotlari bilan taqdirlanadi.