27.11.2019 1768

O‘zbekiston sanoat yarmarkasi va kooperatsiya birjasining yopilish marosimi bo‘lib o‘tdi.


Bugun, 27 noyabr kuni O‘zbekiston Respublikasi Iqtisodiyot va sanoat vazirligi hamda Savdo-sanoat palatasi hamkorligida tashkil qilingan O‘zbekiston sanoat yarmarkasi va kooperatsiya birjasining yopilish marosimi bo‘lib o‘tdi. 
Tadbirda Iqtisodiyot va sanoat vaziri Botir Xodjaev va Savdo-sanoat palatasi raisi Adxam Ikramov ishtirok etishdi. 
Botir Xodjaev o‘z nutqida ishtirok etgan barcha tadbirkorlarga ushbu sanoat va kooperatsiya yarmarkasi tayyor mahsulotlar, butlovchi buyumlar, xom ashyo va materiallar ishlab chiqarish hajmini oshirish hamda sanoatda kooperatsiya aloqalarini rivojlantirishda va kengaytirishda juda katta axamiyatga ega bo‘lganini aytib o‘tdi. 


Shuningdek, elektron kooperasion portal (www.cooperation.uz.) faoliyati sheriklarni topish va iqtisodiy aloqalarni o‘rnatishning muhim vositasi bo‘lganligini xam ta'kidlab o‘tdi.
Savdo-sanoat palatasi raisi Adxam Ikramov so‘zga chiqib, 10 kun mobaynida davom etgan ushbu yarmarkada ishtirok etgan barcha tadbirkorlarga o‘z minnatdorchiligini bildirdi. Shuningdek, ko‘rgazma bu yili yuqori saviyada o‘tganini va ko‘zlangan natijalarga erishilganligini ta'kidlab o‘tdi.   


“Ko‘rgazmaning birinchi kuni kooperatsiya portalida mashinasozlik, avtomobilsozlik, elektrotexnika, qurilish, metallurgiya, kimyo, neft va gaz, oziq-ovqat va yengil sanoat, farmasevtika kabi 9 352 xil turdagi mahsulot ruyxatdan o‘tkazilib, umumiy qiymati 44,8 mlrd. so‘m bo‘lgan 258 ta shartnoma imzolangan bo‘lsa, bugungi kun xolatiga ko‘ra 20 566 turdagi tayyor mahsulot, umumiy qiymati 1.2 trilion so‘mlik 6 911 ta shartnomlar tuzildi”- dedi Savdo-sanoat palatasi raisi Adxam Ikramov.

Ko‘rgazma yopilish marosimi doirasida yarmarkada ishtirok etgan eng faol tadbirkorlik sub'ektlari aniqlanib, ular quyidagi nominasiyalar bo‘yicha maxsus diplomlar bilan taqdirlandilar:

“Sanoat kooperatsiyasini rivojlantirish bo‘yicha eng yaxshi sanoat uyushmasi”Navoi Kon Mettalurgiya Kombinati (KMK);

“Sanoat kooperatsiyasidagi eng faol kichik biznes korxonasi""SDK GROUP" MChJ (Andijon viloyati);

“Kichik biznes korxonalari o‘rtasida eng yaxshi ko‘rgazma stendi”«TECHNOLOGIES REAL TIME» MChJ (Toshkent viloyati),

“Viloyatlar o‘rtasida eng yaxshi ko‘rgazma stendi”FARG‘ONA VILOYATI,

“Sanoat birlashmalari o‘rtasida eng yaxshi ko‘rgazma stendi” «ISSIQLIK ELEKTR STANTSIYALARI» AJ.


Qayd etish lozim, davlatimiz rahbari ko‘rgazmaga tashriflari doirasida mahalliylashtirishni kengaytirish, import o‘rnini bosuvchi mahsulotlari ishlab chiqarishni rivojlantirish, sifatini ta'minlash orqali xaridorlar sonini ko‘paytirish zarurligini alohida ta'kidlagan edilar. 
Vazirlik va tarmoq rahbarlari hamda kichik biznes vakillari bilan  muloqotlari chog‘ida quyidagi ikkita: birinchisi ish o‘rinlari yaratish va ikkinchisi import o‘rnini bosuvchi va eksportga yo‘naltirilgan mahsulotlarni ishlab chiqarish maqsadida o‘zaro hamkorlik sxemasini doimiy ravishda tashkil etish kabi masalani qo‘ydilar. 
Shuni alohida ta'kidlash lozimki, O‘zbekiston Respublikasi Prezidentining sanoat yarmarkasiga tashrifi tadbirkorlik sub'ektlariga sanoat ishlab chiqarishini mahalliylashtirish, sanoat va mintaqalarda mahalliylashtirish jarayonlarini jadallashtirish, ishlab chiqarish ob'ektlaridan to‘liq va samarali foydalanish, hamkorlik aloqalarini kengaytirish orqali butlovchi qismlar, ehtiyot qismlar va materiallar ishlab chiqarishni rivojlantirishga katta yordam ko‘rsatdi.

 

SSP Axborot xizmati