19.07.2016 1731

Yоsh tadbirkorlar va fermerlar forumi o‘tkazilishini e’lon qilinadi


BIZ MUSTAQIL YURTNING MUSTAHKAM QANOTLARIMIZ! 

Tadbirkorlar va ishbilarmonlar harakati – O‘zbekiston Liberal-demokratik partiyasi mamlakatimiz mustaqilligining 25 yilligi munosabati bilan “Go‘zal va betakrorimsan, muqaddas Vatanim, jonim senga fido, O‘zbekistonim!” degan ezgu g‘oya ostida

YОSH TADBIRKORLAR VA FERMERLAR FORUMI

  o‘tkazilishini e’lon qiladi.

Mustaqillik yillarida mamlakatimizda Prezident Islom Karimovning tashabbusi va rahnamoligida jismonan va ma’nan barkamol avlodni tarbiyalash, kichik biznes va fermerlik harakatini rivojlantirish borasida amalga oshirilayotgan islohotlar samarasi o‘laroq ertangi kunimizning hal qiluvchi kuchi sifatida yangi yoshlar avlodi va yosh mulkdorlar qatlami  maydonga kirib keldi. Davlatimiz rahbarining “Ertangi kunimizning eng katta kuchi, kerak bo‘lsa, zamini nimaga asoslanadi, degan savolga men yoshlarimiz, yoshlarimiz va yana bir bor yoshlarimizga, deb javob beraman” degan so‘zlari zamirida mana shu avlod salohiyatiga bo‘lgan ishonch mujassamdir.

Bugun minglab yosh tadbirkorlar va fermerlar “Biz bugun safdamiz!” degan chaqiriq bilan Vatanimiz taraqqiyotiga munosib hissa qo‘shishga intilmoqda.  Yosh tadbirkorlar va fermerlar forumining asosiy maqsadi yosh tadbirkorlar va fermerlar qo‘lga kiritayotgan yutuqlarni targ‘ib qilish, ularni yangi marralarga undash va ular uchun muloqot maydonini  yaratishdan iborat.

Forum doirasida kichik biznes va fermerlikni rivojlantirish istiqbollariga bag‘ishlangan davra suhbatlari, ilg‘or tadbirkorlar va fermerlar ishtirokidagi master-klasslar, yangi biznes g‘oyalar va loyihalarning taqdimotlari, fotoko‘rgazmalar tashkil etiladi. Tadbirlarda Oliy Majlis Qonunchilik palatasi deputatlari, davlat organlari va jamoat tashkilotlari rahbarlari, respublikaning turli  xududlaridan yosh tadbirkorlar va fermerlar ishtirok etishadi.   

Yosh tadbirkorlar va fermerlarni, kichik biznes va fermerlik harakati rivojiga o‘z g‘oyalari va loyihalari bilan hissa qo‘shishni istaydigan tashabbuskor yoshlarni O‘zbekiston yosh tadbirkorlar va fermerlar forumining muloqot maydoniga chorlaymiz!

Ma’lumot uchun telefonlar:

(0371) 255-46-36, 255-48-17, 281-49-65

www.uzlidep.uz