«Business monitoring group» Unitar korxonasi

2542

«Business monitoring group» unitar korxonasi USTAVI (.pdf 415 kb)

Korxonani tashkil etishdan asosiy maqsad “O‘zbekiston Respublikasi Savdo-sanoat palatasi to‘g‘risidagi” Qonuni, O‘zbekiston Respublikasi Prezidentining 2004 yil 7 iyuldagi PF-3453-son “O‘zbekiston Savdo-sanoat palatasini tashkil etish to‘g‘risida”gi Farmoni, Vazirlar Mahkamasining 2004 yil 22 sentyabrdagi 441-son “O‘zbekiston Savdo-sanoat palatasi faoliyatini tashkil etishni ta’minlash chora-tadbirlari to‘g‘risida”gi qaroriga muvofiq tadbirkorlarni, ayniqsa, Palata a’zolari bo‘lgan tadbirkorlik sub’ektlarining huquq va manfaatlarini himoya qilish hamda ularga keng turdagi xizmatlar ko‘rsatishdan iborat.

Korxona o‘z maqsadidan kelib chiqib, faoliyatning quyidagi turlari bilan shug‘ullanadi:

  • tadbirkorlik sub’ektlari faoliyatini tekshirishlar bo‘yicha monitoring olib borish;
  • tadbirkorlar orasida so‘rovnomalar o‘tkazish orqali monitoring olib borish;
  • Qoraqalpog‘iston Respublikasi Vazirlar Kengashi, viloyat va tuman(shahar) hokimliklari tomonidan mutassadi tashkilotlar ishtirokida tadbirkorlik sub’ektlari uchun haftaning har juma kunlari o‘tkaziladigan “Tadbirkorlar kuni” tadbirlari to‘g‘risidagi ma’lumotlarni umumlashtirish, monitoringini yuritish, tahlil qilish va ushbu yuzasidan takliflar tayyorlash;
  • tadbirkorlik sub’ektlari murojaatlari, tekshirishlar va so‘rovnomalar monitoringi natijasi yuzasidan tahliliy materiallar tayyorlash va Palata Ijroiya qo‘mitasiga takliflar kiritish;
  • tadbirkorlik sub’ektlarini tekshirishga doir O‘zbekiston Respublikasidagi amaliyotni tahlil qilish va chet mamlakatlar tajribasini o‘rganish;
  • tadbirkorlik faoliyatini yuritish uchun qulay sharoitlar yaratishga ko‘maklashish;
  • tadbirkorlik sub’ektlarining tekshirishlar sohasidagi huquqiy savodxonligini oshirishga ko‘maklashish;
  • tadbirkorlik sub’ektlarini ular faoliyati va tekshiruvlar bo‘yicha sifatli ma’lumotlar bilan ta’minlash;
  • tadbirkorlik sub’ektlariga yuridik maslaxat xizmatlarini ko‘rsatish;


Korxona o‘ziga yuklangan vazifalarga muvofiq quyidagi funktsiyalarni bajaradi:

  • tadbirkorlik sub’ektlari faoliyatini tekshirish jarayonida vujudga kelgan mummolar tahlilini sohalar va hududlar kesimida amalga oshirish;
  • tadbirkorlik sub’ektlarini tekshirishga oid seminarlar, konferentsiyalar, uchrashuvlar, suhbatlar, davra suhbatlari kabi tadbirlarni tashkillashtirish va o‘tkazish;
  • xo‘jalik yurituvchi sub’ektlarni tekshirish Reja-grafigiga kiritilgan tashkilotlar rahbarlari uchun nazorat qiluvchi organlar mas’ul xodimlarini jalb etgan holda amaliy konsulьtatsiyalar tashkillashtirish;
  • tadbirkorlik sub’ektlari faoliyati tekshiruvi va murojaatlarini OAVlarida yoritish;
  • tadbirkorlik faoliyatiga doir video(audio) roliklar tayorlash;
  • O‘zbekiston Respublikasi hududidagi tadbirkorlik sub’ektlari tekshiruvi amaliyotini umumlashtirish;
  • tadbirkorlik sub’ektlari faoliyati tekshiruvi o‘tkazilishini tartibga soluvchi qonunchilikni takomillashtirish va rivojlantirish bo‘yicha asoslangan takliflar tayyorlash;
  • tekshirishlar o‘tkazishni tashkillashtirish bilan bog‘liq masalalar bo‘yicha nazorat qiluvchi organlar va ular kabi soha tashkilotlari bilan o‘zaro aloqalarni yo‘lga qo‘yish;
  • nazorat qiluvchi organlar va ularning kasbiy faoliyatlari to‘g‘risida ma’lumotlarni yoritish orqali tadbirkorlik sub’ektlariga yordam ko‘rsatish;
  • tekshiruvlarga doir qonunchilik haqida xo‘jalik yurituvchi sub’ektlarga konsulьtatsiyalar taqdim etish;
  • tadbirkorlar orasida so‘rovnomalar o‘tkazish orqali monitoring olib borish;
  • Qoraqalpog‘iston Respublikasi Vazirlar Kengashi, viloyat va tuman(shahar) hokimliklari tomonidan mutassadi tashkilotlar ishtirokida tadbirkorlik sub’ektlari uchun haftaning har juma kunlari o‘tkaziladigan “Tadbirkorlar kuni” tadbirlari to‘g‘risidagi ma’lumotlarni umumlashtirish, monitoringini yuritish, tahlil qilish va ushbu yuzasidan takliflar tayyorlash.