24.11.2016 2243

Бухоро шаҳрида туризм маркетингига бағишланган бизнес-тренинг ўтказилди


Жорий йилнинг 14-18 ноябр кунлари Бухоро шаҳрида “Маҳаллий ресурслардан фойдаланишда туризм маркетинги” мавзусида бизнес-тренинг бўлиб ўтди.

Бизнес-тренингда Бухоро шаҳрида фаолият юритаётган 30 га ядин меҳмонхона, ресторан, туристик фирмалар раҳбарлари ҳамда Бухоро давлат университетининг туризм йўналиши талабалари иштирок этишди.

Мазкур бизнес-тренингда Япония Халқаро Хамкорлик Агентлиги (ЖИСА) туризм соҳаси мутахассиси, етакчи халқаро туроператор ва Япон миллий туристик ташкилоти лектори Шоко Усуи томонидан туризм маркетинга, туризмни ривожлантиришда маҳаллий ресурслардан фойдаланиш ва Бухоронинг туристик салоҳиятини таҳлил қилиш, мадаллий ресурслар ёрдамида туризм маҳсулотларини ишлаб чиқиш мавзуларида беш кун давомида ўқув курслари ўтказилди.

Ўқув машғулоти давомида тингловчилар Бухоро вилоятининг туризм соҳасидаги хозирги ҳолатини CWOT таҳлили усулидан фойдаланиб ўрганиш, вилоятдаги мавжуд бўлган, аммо фойдаланилмаётган туристик ресурсларни туризм маҳсулотига айлантириш ва ушбу ресурслар ёрдамида янги туризм йўналишларини яратиш билан боғлиқ билимларга эга бўлишди.

Савдо-саноат палатаси Бухоро вилоят ҳудудий бошқармаси билан Бухоро Япон-Ўзбек маркази билан ҳамкорликда “Маҳаллий ресурслардан фойдаланишда туризм маркетинги” мавзусида ўтказилган бизнес-тренинг якунида иштирокчиларга сертификатлар топширилди.

ЎзССП Матбуот хизмати