28.03.2017 1083

Фарғона вилоятининг Қўқон шахрига Эстония Республикаси делегациясининг ташрифи


2017 йил 23 март куни Фарғона вилоятининг Қўқон шахрига Эстония Республикасининг бир гурух делегация ташриф буюрди.

Эстониялик мехмонлар Қўқон шахар “Ягона дарча” марказига “Бизнес-форум ўтказиш учун ташриф буюришди.

Мазкур Бизнес – форумда Эстония давлатининг делегация вакиллари Фарғона вилоятида фаолият юритаётган тадбиркорлар ва Олий ва ўрта махсус ўқув юртларида тахсил олаётган талабалар, ўқитувчиларга Эстония давлати тўғрисида ва у ерда амалга оширилаётган яъни Олий ва ўрта таълим  ўқув юртларида  амалга оширилаётган ислохатлар, ўқув програмалар ва тадбиркорликни машинасозлик, қишлоқ хўжалик технологияларини  ва махсус автотранспорт воситаларини ишлаб чиқариш жараёнлари презентация шаклида маълумотлар намойиш этилди.

Бизнес-форумни “Тиқи –трейлер” Ўзбекистон-Эстон қўшма корхонаси директори,  координатор сифатида Хамид Азиз-Кариев олиб борди.

Эстониянинг Ўзбекистондаги Фавқулотда ва мухтор элчисининг иқтисодий масалалари бўйича ўринбосари - Erkki Veismann хамда бошқа делегация аъзолари ўз тақдимотлари билан иштирок этишди.   

Қўқон шахар “Ягона дарча” марказида ўтказилган  Бизнес-форумда Қўқон шахар хокимининг 1-ўринбосари - С.Рахмоналиев, “Қўқон Механика” заводи  директори Ш.Юлдашев ва вилоятимизда фаолият юритаётган 130 нафар тадбиркорлар ва 17 нафар Қўқон шахар Политехника касб хунар коллежи талабалари ва ўқитувчилари иштирок этишди ва тегишли таъсуротларга эга бўлишди. 

Шундан сўнг, Эстония Республикаси делегацияси Қўқон шахридан - Фарғона шахридаги “Автоойна”  МЧЖга ташриф буюрди  ва  ташриф жараёнида жамият томонидан ишлаб чиқарилаётган автомобиль ойналарини ишлаб чиқариш жараёни билан яқиндан танишдилар. Эстония Республикаси делегацияси  “Автоойна” МЧЖ фаолияти билан қизиқишиб, келгусида хамкорлик қилиш ва ўз аро ходимларни малакасини ошириш юзасидан хамкорлик алоқаларини йўлга қўйишлари бўйича қайд этиб ўтишди.

ЎзССП ахборот хизмати