29.09.2017 173

Саноат соҳасида энергетика масалалари бўйича экспертлар кенгашининг 2 - мажлиси бўлиб ўтди


Ўзбекистон Республикаси Президентининг 2017 йил 19 июндаги ПФ-5087-сон Фармони ижросини таъминлаш мақсадида Ўзбекистон Савдо-саноат палатаси томонидан ишбилармонлик ва инвестиция муҳитини яхшилаш, шунингдек, тадбиркорлик субъектлари фаолиятини тартибга солишда соҳалар бўйича экспертлар кенгашлари ташкил этилди.

Жумладан, Саноат соҳасида ташкил этилган экспертлар кенгашининг иккинчи йиғилиши жорий йилнинг 27 сентябрь куни Ўзбекистон Савдо-саноат палатасида ўтказилди.

Кенгашда вазирлик ва идоралар ва Бухоро, Навоий, Хоразм, Қашқадарё вилоятларида фаолият юритаётган автомобиль газ тўлдиргич компрессор станцияларидан (Станциялар) вакиллар иштирок этишди.

Кенгаш вакиллари томонидан кун таритибига Станциялар фаолиятига оид масалаларни кўриб чиқиш, шунингдек тадбиркорликнинг ривожланишига тўсқинлик қилаётган ва чеклаётган меъёрий-ҳуқуқий ҳужжатларга ўзгартиришлар ва қўшимчалар киритиш, уларни бекор қилиш тўғрисидаги таклифларни ишлаб чиқиш ҳамда Вазирлар Маҳкамаси, вазирликлар ва идораларга тақдим этиш кўзда тутилган.

“Yellow – Keramika - Invest” МЧЖ раҳбари Б.Улашев томонидан Экспертлар кенгашида кўтарилган масалалар ўз ечимини топса ушбу йўналишда нафақат ички балки хорижий инвестициянинг ошишига олиб келиши мумкинлиги билдирилди.

“SADBARG” МЧЖ вакили А.Рамазонов “Жамият фаолиятини ривожлантириш, кенгайтириш мақсадида ишчи кучига мухтожмиз. Бугунги кунда Жамиятда 48 нафар ҳодим фаолият юритади. Хозирда Республикамизда 600 дан ортиқ Станциялар мавжуд бўлиб аксарияти ушбу муаммога дуч келмоқда. Агар ўртача ҳар бир Станция қўшимча 10-20 нафардан ишчи қабул қиладиган бўлса республикамизда қўшимча 10-12 минг қўшимча иш ўринлари яратилган бўлар эди. Мисол қилиб, бугунги кунда фаолиятимизни кенгайтиришимиз яна 50 нафар ҳодимни ишга олишимиз мумкин”.

Ўзбекистон Республикаси Савдо-саноат палатаси томонидан Экспертлар кенгаши қарори лойиҳаси ишлаб чиқилмоқда ва тез кунларда Ўзбекистон Республикаси Вазирлар Маҳкамаси, вазирликлар ва идораларга кенгашда кўрилган масалалар якунлари  бўйича таклифлар киритилади.

ЎзССП Ахборот хизмати