24.05.2018 3576

“Энергияни тежаш ва энергия самарадорлигини ошириш соҳасидаги инновацион технологиялар” мавзусида бизнес-семинар ўтказилди.


24 май куни Ўзбекистон Савдо-саноат палатаси «Миллия энергетика компанияси» Аксиядорлик жамияти ҳамда «Komfort Injeniring» МЧЖси билан ҳамкорликда “Энергияни тежаш ва энергия самарадорлигини ошириш соҳасидаги инновацион технологиялар” мавзусида бизнес-семинар ўтказди.

Тадбирда Украина, Россия Федерацияси, Латвия, Германия, Туркия ва Ўзбекистоннинг инновацион технологиялари билан шуғулланадиган этакчи компаниялар иштирок этди.

Бизнес-семинарда энергетика, нефт-газ ва коммунал соҳаларда янги инновацион технологиялар лойиҳалари тақдим этилди.

Шунингдек, иқтисодиётимизнинг турли тармоқларида энергия тежайдиган технологияларни амалга тадбиы этиш, иқтисодий ва ижтимоий соҳаларда энергияни тежовчи технологияларни жорий этиш, маҳсулотларнинг энергия сарфини камайтириш, қайта тикланадиган энергия манбаларини жадал ривожлантириш, замонавий энергия тежовчи ускуналар, асбоблар ва материаллар ишлаб чиқаришни кенгайтириш, янги биноларни қуриш ва мавжуд биноларни реконструкция қилишда энергия самарадорлигини таъминлаш бўйича устувор йўналишлар белгиланди.

Тадбирда сўзга чиққанлар мамлакатимизда энергетика ресурсларидан самарали ва тежамкор фойдаланиш бўйича кенг кўламли ишлар амалга оширилаётгани алоҳида таъкидлаб ўтилди.

Жисмоний ва маънавий эскирган ишлаб чиқариш объектларини энергияни тежовчи технологиялар билан алмаштириш, шунингдек, янги лойиҳаларни амалга оширишда фойдаланиш, электр ва газни тежовчи технологияларни ишлаб чиқаришга жорий қилиш, мавжуд хом-ашё базасидан оқилона фойдаланиш, қайта ишлаш лойиҳаларини илгари суриш соҳаларига алоҳида эътибор қаратилмоқда.

Энергия ишлаб чиқариш, етказиб бериш ва истеъмол қилиш соҳасида қайта тикланадиган энергия манбаларидан фойдаланишини ҳисобга олган хода тажриба алмашиш ва илмий-тадқиқот ишларини олиб борилмоқда.

Энергия тежамкорлиги ва энергия самардорлигини янада ошириш, энергия манбаларини қайта тиклаш соҳасида ҳорижий давлатларнинг мутахассислар ва амалиётчилар қонунчилик, технологик ва инновацион тажрибаларни ўрганишда билан бир қатор ишлар олиб борилмоқда.

Энг асосийси, Президентимиз ташаббуси билан мамлакатимизда янги тузилмалар қайта тикланди ва яратилди бу эса инновацион энегрия тежовчи технологияларни қўллаш тизимини тубдан яҳшилашга қаратилган. 

 

ЎзССП Матбуот хизмати