23.11.2015 5276

Ўзбекистон Республикаси Халқаро саноат ярмаркаси ва кооперация биржаси дирекцияси номидан Бухоро вилояти “Энг яхши презентация” тақдимоти учун диплом ва қимматбаҳо совға билан тақдирланди


Ўзбекистон Республикаси Вазирлар Маҳкамасининг 2015 йил 59-сонли “2015 йил Халқаро саноат ярмаркаси ва Кооперация ташкил этиш ва ўтказиш чора-тадбирлари тўғрисида” ги қарорига мувофиқ жорий йилнинг 26 октябрь - 5 ноябрь кунлари Тошкент шаҳридаги “Ўзэкспомарказ” Миллий Кўргазма залида IX Халқаро Саноат ярмаркаси ва Кооперация биржаси бўлиб ўтди.

Мазкур тадбирда Бухоро вилоятидан жами 79 та корхона, шундан вилоят павильонига 71 та ва алоҳида павильонларга 8 та корхона 269 дан ортиқ ўзлари ишлаб чиқарган ва 35 та янги турдаги саноат маҳсулотлари билан қатнашдилар.

Жорий йилнинг 29 октябрь куни “Бухоро вилоят тақдимот куни” ўтказилганлиги муносабати билан вилоятдан 157 та корхона, ташкилот ва тадбиркорлик субьектлари иштирок этдилар ва шу куни вилоятни ижтимоий-иқтисодий ривожланиш кўрсаткичларининг бажарилиши тўғрисида тақдимот маросими (презентация) бўлиб ўтди.

IX Халкаро Саноат ярмаркаси ва Кооперация биржасида вилоятимиздаги кичик бизнес субьектлари томонидан 71,2 млрд.сўм урнига 72,7 млрд, сўмлик (режага нисбатан 102,1 фоиз) 34 та ички шартнома ҳамда режадаги 66,4 мли.АҚШ доллар ўрнига 673 млн. долларлик (режага нисбатан 101,3 фоиз) 15 та экспорт шартномалари имзоланди.

Ўзбекистон Республикаси Халқаро саноат ярмаркаси ва кооперация биржаси дирекцияси номидан Бухоро вилояти “Энг яхши презентация” тақдимоти учун диплом ва қимматбаҳо совға билан тақдирланди.