24.11.2015 6478

“Polymedia” компаниясининг таҳлил, режалаштириш ва ахборотни тақдим этишдаги илғор ечимлари”  мавзусидаги амалий семинар ўтказилди


Жорий йилнинг 24 ноябрь куни Савдо-саноат палатаси Катта мажлислар залида Ўзбекистон Республикаси Президентининг 2013 йил 27 июндаги «Ўзбекистон Республикаси Миллий ахборот-коммуникация тизимини янада ривожлантириш чора-тадбирлари тўғрисида»ги ПҚ-1989-сонли қарори ижросини таъминлаш мақсадида Ўзбекистон Савдо-саноат палатаси ва ЁАЖ “Polymedia” (РФ) компанияси билан ҳамкорликда “Ташкилотни самарали бошқариш учун ЁАЖ “Polymedia” компаниясининг таҳлил, режалаштириш ва ахборотни тақдим этишдаги илғор ечимлари”  мавзусидаги амалий семинар ўтказилди.

Тадбирни ўтказишдан асосий мақсад – оммани ташкилотни самарали бошқариш учун маълумот тақдим этиш, таҳлил ва прогноз, ташкилотнинг турли йўналишлардаги даражаси ва техник тавсифи турлича бўлган ҳисоботларни ташкил этиш, шунингдек, бошқарувда илғор ахборот-коммуникацион технологияларни жорий этиш соҳасидаги замонавий ечимлар билан таништиришдан иборатдир.

          

Семинар доирасида алоқа ва ахборотлаштириш ва телекоммуникацион технологиялар корхоналар томонидан 2015 йилнинг 9 ойи давомида 3,4 трлн. сўм миқдоридаги  хизматлар кўрсатилган (2014 йилнинг жорий даврида ушбу кўрсаткич 16,4 фоизни ташкил этган эди), хусусан, аҳолига 2,38 трлн. сўм (ўсиш – 17,5 фоиз) миқдоридаги хизматлар кўрсатилганлиги қайд этилди.

          

Бугунги кунга келиб, халқаро ахборот тармоқларидан фойдаланиш тезлиги 2015 йил боши кўрсаткичига нисбатан  27,7 фоизга ўсиб, 21 250 Мбит/с га етди.