20.01.2016 9028

Республикамизда қурилиш соҳаси ва қурилиш материалларини ишлаб чиқаришни янада кенгайтиришга бағишланган давра суҳбати бўлиб ўтади


Ўзбекистон Савдо-саноат палатаси республикамизда қурилиш соҳаси ва қурилиш материалларини ишлаб чиқаришни янада кенгайтириш, тармоқдаги ишлаб чиқариш корхоналарининг мавжуд муаммоларини ҳал этиш ҳамда тармоқни истиқболда ривожланиш йўналишларини белгилаш мақсадида  қурилиш материаллари ишлаб чиқарувчилари ва давлат органлари иштирокида давра суҳбатини ташкил этишни режалаштирмоқда.

Давра суҳбатидан кўзланган асосий мақсад тармоқда  қурилиш соҳаси ва қурилиш материалларини ишлаб чиқаришда илғор технологиялар ҳамда замонавий материалларни қўллашнинг имкониятлари, тармоқ корхоналарида мавжуд технология ва жиҳозларни модернизация қилишнинг истиқболлари, янги турдаги қурилиш материлларини ишлаб чиқариш имкониятлари ҳамда қурилиш материалларини қурилиш соҳасида қўллаш бўйича мавжуд рухсат беришга оид тартиб-тамойилларни муҳокама этиш ҳамда тармоқни келгусида ривожланишини таъминлашга қаратилган таклифларни ишлаб чиқишдан иборатдир.

Мазкур давра суҳбати 2016 йил 28 январь куни соат 10-00 да  Палатанинг катта мажлислар залида бўлиб ўтади.

Ушбу тадбирда Ўзбекистон Республикаси Иқтисодиёт вазирлиги, Ташқи иқтисодий алоқалар, инвестициялар ва савдо вазирлиги, Давлат архитектура ва қурилиш қўмитаси, Давлат геология ва минерал ресурслар қўмитаси, “Ўзқурилишматериаллари” АК, “Ўзстандарт” агентлиги, Давлат божхона қўмитаси, Давлат солиқ қўмитаси, Ўзбекистон Республикасининг хусусийлаштириш, монополиядан чиқариш ва рақобатни ривожлантириш Давлат қўмитаси, Марказий банк, “Ipoteka Bank” АТБ, “Qishloq qurilish invest” МЧЖнинг масъул ходимлари ва республикамизда қурилиш материаллари ишлаб чиқариш соҳасида фаолият олиб бораётган тадбиркорлар иштирок этишлари кутилмоқда.

Қўшимча маълумот учун Палатанинг Замонавий мини-технологиялар ва хорижий инвестицияларни жалб этиш бўлимининг масъул ходими Наим Темурхон билан боғланишингизни сўраймиз (t.naim@chamber.uz ,+99890 948-99-81).