18.02.2016 6504

Тадбиркорлар “Uzbekistan Agrominitech Expo”да иштирок этишга таклиф этиладилар


Мунтазам ўтказилиб келинаётган Халқаро ихтисослаштирилган қишлоқ хўжалиги учун мини-технологиялар ва ихчам ускуналарининг кўргазма-савдоси “Uzbekistan Agrominitech Expo”, минтақадаги кўргазмали тадбирлар орасида ўзининг муносиб ўрнини эгаллади. 

2006-2015 йиллар мобайнида ушбу кўргазма-савдонинг мувафаққиятли ўттказилиб келиниши даврида Европа, Исроил, Жанубий Кореа, Хитой, Туркия каби 35 дан ортиқ мамлакатларнинг 350 дан ортиқ компаниялари иштирок этдилар. Кўргазмага 40 мингдан ортиқ кичик бизнес, агрофирма, фермер хўжаликлари вакиллари ташриф буюришди. Кўргазма натижаларига кўра 2800дан ортиқ умумий қиймати 100 миллион доллар бўлган намойиш этилган ускуналарни етказиб бериш учун шартномалар тузилди ва амалга оширилди. 

Юқоридагилардан келиб чиққан ҳолда, табдир ташкилотчилари Сизни 2016 йилнинг 31 май - 3 июн кунлари Тошкент шаҳридаги “Ўзэкспомарказ” Миллий кўргазма компанияси павильонида бўлиб ўтадиган ХI-Халқаро ихтисослаштирилган кўргазма-савдо “Uzbekistan Agrominitech Expo”га иштирок этишингиз учун таклиф қилади.
 
Кўргазмада қуйидаги йўналишлар ўрин эгаллайди: “Мевасабзавот маҳсулотларини қайта ишлаш”, “Гўшт ва балиқни қайта ишлаш”, “Сутни қайта ишлаш”, “Ветеринария”, “Нон ва макарон маҳсулотларини ишлаб чиқариш”, “Этикетка, полиграфия, қадоқлаш, тара”, “Музлатиш технологиялари”, “Ўсимликларни асраш учун кимёвий воситалар ва пуркагичлар”, “Иссиқхона”, “Асаларичилик”, “Уйда хизмат кўрсатиш учун ускуналар (тикув ускуналари, гиламчилик ва гилам ишланмалари ишлаб чиқариш учун ва б.қ)”. Кўргазма давомида юқорида келтирилган йўналишларга бағишланган семинарлар ўтказилади.

Батафсил маълумотларни Сиз agro@mfer.uz электрон почтаси ёки  http://agrominitech.mfer.uz/ сайтидан олишингиз мумкин.

Сизни қизиқтирган маълумотларга жавоб олиш учун (+998 71) 238-51-12, Факс 238-52-00 телефон рақамлари орқали мурожаат қилишингизни соъраймиз.

Кўргазмада иштирок этиш - Сизнинг Ўзбекистон бозорига йўлингиздир!

 

Приглашения и условия участия

Invitation and terms of participation

Application form 2016