11.07.2019 106

Ўзбекистон Ёшлар иттифоқининг “Ёшлар Пресс-клуби”да очиқ давра суҳбати бўлиб ўтди.


Ўзбекистон Республикаси Президентинг 2019 йил 27 июндаги “Солиқ ва божхона имтиёзлари берилишини янада тартибга солиш чора-тадбирлари тўғрисида”ги Фармоннинг мазмун моҳияти ҳамда солиқ тўлаш соҳасидаги ўзгаришларни тадбиркорлик субъектларига етказиш мақсадида 2019 йилнинг 11 июл куни Ўзбекистон Ёшлар иттифоқининг “Ёшлар Пресс-клуби”да очиқ давра суҳбати бўлиб ўтди.

Очиқ давра сухбатида Ўзбекистон Республикаси Молия вазирлиги, Ўзбекистон Савдо-саноат палатаси Тошкент шаҳар ҳудудий бошқармаси, Ўзбекистон Республикаси Давлат солиқ қўмитаси, Тошкент шаҳар ҳокимлиги, Тошкент шаҳар Давлат солиқ бошқармаси, Марказий банк Тошкент шаҳар бош бошқармаси, Тошкент шаҳар божхона бошқармаси раҳбар ходимлари ва туман ҳокимларининг биринчи ўринбосарлари, туман Давлат солиқ инспекцияси масъул ходимлари ва шу билан бирга фаол тадбиркорлик субъектлари иштирок этдилар.

Очиқ мулоқот давомида мутасадди ташкилотлар томонидан мазкур Фармоннинг асосий мазмун моҳияти мамлакатимизда рақобатбардош ишлаб чиқаришни рағбатлантириш, тадбиркорликни ва соғлом рақобат муҳитини қўллаб-қувватлаш, мамлакатнинг экспорт салоҳиятини кенгайтириш ва рағбатлантириш ҳамда ички бозорни сифатли истеъмол товарлари билан таъминлашга йўналтирилган солиққа тортиш ва божхона-тариф тизимини тартибга солишнинг самарали тизимини шакллантиришга қаратилган бир қатор мавзуларга тўхталиб ўтдилар ҳамда тадбиркорлик субъектлари томонидан берилган саволларга жавоблар берилди.

Ўз ССП Ахборот хизмати