12.12.2019 1955

Нагоя шахрининг Мэри бошчилигидаги Япония делегацияси Ўзбекистонга ташриф буюрди.


12 декабр куни ССП раиси А. Икрамов билан биргаликда Нагоя шаҳрининг мэри Такаши Кавамура бошчилигидаги делегация пойтахтимиздаги Япон боғида бўлди.

Пойтахтимизда ташкил қилинган Япон боғи Япония ва Ўзбекистон ўртасидаги дўстлик рамзларидан бири хисобланади. Мехмонлар Япон боғидаги “Каресансуи” ва “Чесенкаию” бўлимларига ташриф буюришди.

Шунингдек, делегация аъзолари Инвестициялар ва ташқи савдо вазирлигида бўлиб, у ерда Савдо саноат палатаси раиси Адхам Икрамов, Инвестициялар ва ташқи савдо вазири Сардор Умурзоқов, “Uzbekistan Airways” АЖ раиси Бахтиёр Ҳакимов ва “Uzbekistan Airports” раиси Равшан Исмоилов билан дўстона алоқаларни мустаҳкамлаш ҳамда икки томонлама ҳамкорликни ривожлантириш масалаларини муҳокама этдилар.

Ўтказилган учрашувда икки мамлакат ўртасидаги дўстона хамда саво-иқтисодий алоқаларнинг хозирги холати ва келгусидаги истиқболларини муҳокама қилинди.

Шунингдек, делегация аъзолари ташрифлари давомида Тошкент шахар хокимлигида хамда пойтахтнинг бир қатор нуфузли масканларида бўлишди.

Тошкент шаҳар ҳокимлигида  бўлиб ўтган учрашувда пойтахт хокими Ж.Ортиқходжаев юртимизда амалга оширилаётган кенг кўламли ислоҳотлар ва шаҳримиздаги ўзгариш ва янгиланишларга тўхталиб ўтди.

Қайд этиш лозимки, Япониялик сайёҳларнинг Ўзбекистонга ташрифи тобора ўсиб бормоқда, 2019 йилда 2018 йилга нисбатан сайёҳларнинг ташриф кўрсаткичи 47 фоизга ўсганлиги бунинг яққол мисоли.

Ташриф доирасида ўтказиладиган “Тошкент Нагояни қарши олади” номли тадбир узоқ муддатли ва истиқболли ҳамкорликнинг мустаҳкам исботи бўлишини эътироф этилди.

Нагоя мэри Такаши Кавамура дўстона муносабат ва меҳмоннавозлик учун миннатдорлик билдириб, уларнинг шаҳри Япониядаги энг саноати ривожланган ҳудуд эканлигини ва дунёда орзулар шаҳри сифатида танилганлигини қайд этди. Тошкент билан бугунги кунда маданий-гуманитар соҳаларда ҳамкорлик олиб борилаётганлигини қайд этиб, эндиликда савдо-иқтисодий йўналишда, туризм, соғлиқни сақлаш, таълим ва илмий техник соҳаларида қўшма лойиҳаларини амалга оширилишини айтиб ўтди. Ҳамкорликнинг дастлабки босқичида мактаб ўқитувчилари алмашинувини йўлга қўйишни таклиф қилди.

Учрашув доирасида Тошкент шаҳар туризмни ривожлантириш департаменти билан Нагоя шаҳар маданият ва туризм бошқармаси ўртасида ўзаро ҳамкорлик меморандуми имзоланди.

 

ССП ахборот хизмати