25.05.2016 2669

Европа иттифоқи компанияларида малака ошириш учун мурожаатномалар қабул қилинмоқда


ЎЗБЕКИСТОН РЕСПУБЛИКАСИ САВДО-САНОАТ ПАЛАТАСИ

«БОШҚАРУВ КАДРЛАРИНИ ТАЙЁРЛАШ (MTP)» ЛОЙИҲАСИ ДОИРАСИДА

БИР ОЙ ДАВОМИДА ЕВРОПА ДАВЛАТЛАРИДА БЎЛИБ ЎТАДИГАН СТАЖИРОВКА УЧУН

НОМЗОДЛАР ҚАБУЛ ҚИЛИШ БОШЛАНГАНИНИ ЭЪЛОН ҚИЛАДИ

Стажировка инглиз тилида ёки қабул қилувчи Европа корхонаси сўзлашадиган тилда олиб борилади.

Ҳужжатларни қабул қилиш муддати: 2016 йил 24-майдан 17-июнгача.

Танловда иштирок этишнинг асосий талаблари:

  • Хусусий корхона;
  • Корхона (номзод фаолият кўрсатаётган) ҳодимларининг сони 5 дан 250 нафаргача;
  • Номзоднинг ўрта ёки юқори поғонада бошқарувчи сифатидаги иш тажрибаси - 2 йилдан кам бўлмаслиги;
  • Умумий иш тажрибаси - 4 йилдан кам бўлмаслиги;
  • Бўйсунадиган ходимлар сони - 3 кишидан кам бўлмаслиги;
  • Олий маълумотли;
  • Ўзбекистон Республикаси фуқароси.

Лойиҳа иштирокчиларининг Европа давлатларидаги барча ўқиш ва яшаш харажатлари «MTP» лойиҳаси томонидан қопланади (бир кунга 160 евро).

Бориш ва қайтиш авиа харажатлари қисман (400 евро) танланган номзод томонидан қопланади.

Танловда иштирок этиш учун талаб қилинадиган ҳужжатлар рўйхати:

  • Иштирокчи анкетаси;
  • Корхона ҳақида буклет ёки презентация;
  • Корхонанинг структуравий кўриниши;
  • Корхона гувохномаси ва уставининг нусхаси;
  • Иш жойидан маълумотнома бўйсунувчи ходимлар сони кўрсатилган ҳолда;
  • Паспорт нусхаси;
  • Меҳнат дафтарчаси нусхаси;
  • Бакалавр дипломи нусхаси;
  • Солиқ органларидан қарздорлик йўқлиги ҳақида маълумотнома.

Муҳим!

  • Барча талаб қилинган хужжатлар 1 нусхада мухрланган конвертда, номзод ва корхонанинг номи ёзилган ҳолда, Узбекистон Республикаси Савдо-саноат палатасига қуйидаги манзил бўйича тақдим этилади: Тошкент ш., А.Темур кўчаси, 4; 
  • Стажировка йўналишлари рўйхатини юклаб олиш манзили: www.mtpeu.uz/uploads/files/sectors.pdf
  • Хамма талабларга тўғри келувчи номзодлар, онлайн анкетани лойиҳа сайтида (www.mtpeu.uz) рўйхатдан ўтгандан сўнг тўлдиришлари мумкин.  

Қўшимча маълумотларни қуйидаги телефонлар орқали олиш мумкин: (+998 71) 233-59-01; 150-60-06, шунингдек www.mtpeu.uz.