21.01.2020 435

Андижон ва Фарғонада “Мева-сабзавот маҳсулотларини экспорт қилиш жараёнида сертификатлаштириш ва стандартлаштириш” мавзусида семинар ташкил этилади.


Ҳабарингиз бор, жорий йилдан Наманган вилоятида БМТТД ва Ўзбекистон Республикаси Савдо-саноат палатаси билан ҳамкорликда “Фарғона водийсида фермерларни иқлим ўзгариши ҳатарларига мослашиши ва барқарорлигини ошириш» лойиҳаси ўз фаолиятини бошлади. Лойиҳа қишлоқ хўжалигини иқлим ўзгаришига мослашиш усулларини бошқариш ва жорий қилиш, мослашиш бўйича билим ва салоҳиятни ошириш, аҳолининг иқлим ўзгариши хавфига тайёр туришлари учун илғор технологиялар ва илғор тажрибалар билан таништириш, экологик тоза маҳсулотларни етиштириш самарали ёндашувлар каби тадбирларни амалга оширади.

Шу фаолият доирасида жорий йилнинг 28 январ куни Андижон вилоятининг Андижон шаҳрида Савдо-саноат палатасининг конференц-залида ҳамда 29 январ куни Фарғона вилоятининг Фарғона шаҳрида “Гранд Фергана” меҳмонхонасида “Мева-сабзавот маҳсулотларини экспорт қилиш жараёнида сертификатлаштириш ва стандартлаштириш” мавзусида семинар ташкил этилади.

Мазкур семинар қишлоқ хўжалик маҳсулотларини ишлаб чиқарувчиларининг мева - сабзовот маҳсулотларини экспорт қилиш бўйича билим ва салоҳиятларини оширишга қаратилган бўлиб, қишлоқ хўжалик маҳсулотларини экспорт қилишда сертификациялаш ва стандартлаш талабларига бағишланади.

Семинар мобайнида маҳсулотга импортёр давлатлар талаб этадиган сертификатлар ҳақида тушунча, уларнинг турлари, давомийлиги, олиш тартиблари каби масаллар билан таништириш кўзда тутилган. 

Унда Андижон, Асака, Хўжаобод, Кува, Кувасой ва Олтиариқ туманларидан, маҳсулотини экспорт қилишга салоҳияти бор агрофирма, кластер ва фермер хўжаликлари вакиллари иштирок этиши кутилмоқда.

Агар сиз ҳам ушбу семинарда иштирок этиш истагида бўлсангиз ( 97) 568-7505 телефон рақамига қўнғироқ қилинг. 

 

ЎзССП Ахборот ҳизмати