31.05.2016 6422

Тошкентда "Uzbekistan Agrotech Expo-2016" ва "Uzbekistan Agromash Expo-2016" кўргазмалари очилди


31 май куни пойтахтимиздаги "Ўзэкспомарказ" миллий кўргазма мажмуида, қишлоқ хўжалиги учун технологиялар ва ускуналарнинг "Uzbekistan Agrotech Expo-2016" ҳамда қишлоқ хўжалиги техникаси, машиналари ва асбоб-ускуналарининг V - "Uzbekistan Agromash Expo-2016" халқаро ихтисослаштирилган кўргазма савдолари иш бошлади. Ушбу кўргазмалар 3 июнгача давом етади ва шубҳасиз жорий йилнинг енг муҳим тадбирларидан бири бўлади.

Кўргазмалар Ўзбекистон Республикаси Ташқи иқтисодий алоқалар, инвестициялар ва савдо вазирлиги, Қишлоқ ва сув хўжалиги вазирлиги, Савдо-саноат палатаси ва Фермерлар кенгаши томонидан ташкил етилди.

    

Мамлакатимиз қишлоқ хўжалиги комплекслари олдида турган муҳим мақсадларни ҳисобга олган ҳолда айтиш мумкинки, бу каби тадбирлар жуда ҳам муҳим аҳамият касб етади.

Маҳаллий корхоналарда қишлоқ хўжалик хом ашёсини қайта ишлашни сезиларли даражада ошириш ва чуқурлаштириш ҳамда бу борада барча мавжуд заҳира ва имкониятлардан фойдаланиш, қишлоқ хўжалиги ва қайта ишлаш саноатини замонавий, жаҳон талаблари ва стандартларига тўла жавоб берадиган қишлоқ хўжалиги техникаси ва ускуналари билан таъминлаш, соҳага тўғридан тўғри хорижий инвестицияларни жалб етиш, мамлакатимиз ижтимоий сиёсий ривожланишинг устувор йўналишларидан биридир.

    

Тадбир доирасида етакчи ишлаб чиқарувчи компанияларни кенг жалб қилиш ва иштирокларини таъминлаш мақсадида ҳукумат қарорига мувофиқ миллий кўргазма мажмуи "Ўзэкспомарказ" майдонлари иштирокчиларга бепул тақдим етилади.

Кўргазмада асосий еътибор Ўзбекистонлик истемолчиларни технологиялар ва ускуналарни олишда мавжуд молиявий имкониятлар борасида хабардор қилишга қаратилади. Бундан ташқари, кўргазма доирасида мамлакатимиз фермер хўжаликлари, агрофирма ва кичик корхоналарининг хорижий ишлаб чиқарувчилар билан ўзаро манфаатли ҳамкорлигини янада ривожлантиришга йўналтирилган бир қатор махсус тематик семинарлар, илғор технологиялар ва замонавий ускуналарнинг тақдимотлари бўлиб ўтади.

    

"Uzbekistan Agrotech Expo-2016" кўргазма-савдо ишида Австрия, Белгия, Италия, Германия, Франция, Голландия, Корея, Туркия, Хитой, Россия ва бошқа дунёнинг 24 давлатидан 170 дан ортиқ ишлаб-чиқарувчи компаниялар иштирок етадилар.

Кўргазмада мева сабзавот, гўшт ва сут, ун ва комбикорм, боғдорчилик ва узумчилик маҳсулотларини ишлаб чиқариш ва қайта ишлаш, қадоқловчи жиҳозлар, ўсимликлар муҳофазаси учун кимёвий препаратлар, ветеринария, қоракўлчилик ва чарм қайта ишлаш бўйича мини техника ва ихчам ускуналар намойиш қилинади.

2015 йилги кўргазма-савдо натижаларига кўра хорижий компаниялар ва республика тадбиркорлари ўртасида мини-технологиялар, ихчам ускуналар ва қишлоқ хўжалиги техникалари сотиб олиш учун умумий қиймати 174,8 миллиард сўм бўлган 597 та шартнома ва протоколлар имзоланди.

    

Анъанавий тарзда бешингчи бор ўтказилаётган "Uzbekistan Agromash Expo-2016" кўргазмаси мамлакатимиз агросаноат комплексида янги техник ечимлар, шунингдек, жаҳондаги йирик ишлаб чиқарувчилар маҳсулотларини намойиш етиш учун марказий майдонга айланади. Унда дунёнинг 10 давлатидан 20 дан ортиқ қишлоқ хўжалиги техникалари ва ускуналари ишлаб чиқарувчи етакчи компаниялар ҳамда республикамизнинг ОАЖ "Агрегат заводи", ОАЖ "Чирчиқселмаш" каби шунингдек, тижорат банклари ва лизинг компаниялари иштирок етадилар.

Коъргазма ишида Case New Holland, Claas, John Deere, Lemken, MAN, Doosan, Daichi, Deadong каби жаҳонга машҳур компанияларнинг 70 дан ортиқ техника турлари, шунингдек, 21.05.2013 йилдаги № 1758 сонли "2012-2016 йилларда қишлоқ хўжалиги ишлаб чиқаришни янада модернизация қилиш, техник ва технологик жиҳатдан қайта жиҳозлаш дастури тўғрисида"ги Президент Қарори доирасида ўзлаштирилган қишлоқ хўжалиги техникалари намойиш етилади.

Кўргазмаларнинг очилиш маросимида Ўзбекистон Республикаси Бош вазирининг ўринбосари У.Розуқулов сўзга чиқди.