26.06.2020 154

Ўзбекистон Республикаси Президентининг 2020 йил 29 январдаги “Чорвачилик тармоғини давлат томонидан кўллаб-қувватлашнинг қўшимча чора-тадбирлари тўғрисида”ги қарори ижроси бўйича.


Ўзбекистон Республикаси Президентининг 2020 йил 29 январдаги “Чорвачилик тармоғини давлат томонидан кўллаб-қувватлашнинг қўшимча чора-тадбирлари тўғрисида”ги ПҚ-4576-сонли қарори ижросини таъминлаш мақсадида 2020 йил 24 июнь куни Савдо-саноат палатаси Фарғона вилояти ҳудудий бошқармаси ходимлари ва Фарғона шаҳар ТКМ раҳбари И.Маматхоновалар Фарғона шаҳрида жойлашган “Занги Ота” фермер хўжалигида бўлиб, хўжаликнинг фаолияти билан яқиндан танишдилар. 

“Занги Ота” фермер хўжалиги 1995 йилда ташкил қилинган бўлиб, 2012 йилдан ҳайвонларнинг наслдорлик ва маҳсулдорлик сифатларини яхшилаш мақсадида наслчиликка ихтисослаштирилган.

.

Фермер хўжалик томонидан 2013 йилда Словакия давлатидан 24 бош қорамол олиб келиниб, ҳозирда уларнинг сонини 100 тагача кўпайтиришга эришилган. 2018 йилда эса Голландия давлатидан қўшимча 64 бош қорамол олиб келинган.

Қорамоллар учун барча шарт-шароитлар яратилган бўлиб, маҳаллий сигирлардан кунига ўртача 5-10 литр сут олинса, наслли қорамоллардан эса ўртача 25-30 литргача сут олинмоқда.Ҳозирда 235 бош “Голдштейн” зотли (сут беришга мослашган), қора-ола ҳамда сариқ-ола рангли қорамоллар мавжуд бўлиб, улардан кунига 1,5 тоннагача сут соғиб олинмоқда.

Фермер ҳўжалиги раҳбари Р.Холматов келгусидаги режалари ҳақида гапириб,  асосий даромади сут ва сут маҳсулотларидан эканлиги сабабли ўз худудида 32 метрлик қўшимча бино қуриб, уни ярмида замонавий технологиялар асосида партизана (жаҳоннинг машхур брендларидан бири) италия услубидаги пишлоқ маҳсулотларининг қаттиқ ва суюқ турларини ишлаб чиқаришни ҳамда қолган ярмида эса ёз мавсумида музқаймоқ тайёрлашни йўлга қўйишни режалаштираётганини айтиб ўтди..

ССП Ахборот-хизмати