29.06.2020 505

Ўзбекистон Республикаси Савдо-саноат палатасида видеоконференцалоқа шаклида "Корея Республикаси Марказий - Осиё" Ишбилармонлик Кенгашини яратиш тўғрисида ўзаро ҳамкорлик меморандуми имзоланди.


2020 йил 29 июнь куни Ўзбекистон Республикаси Савдо-саноат палатасида видеоконференцалоқа шаклида "Корея Республикаси - Марказий Осиё" Ишбилармонлик Кенгашини яратиш тўғрисида ўзаро ҳамкорлик меморандуми имзоланди. 

Мазкур меморандум Ўзбекистон, Қозоғистон, Қирғизистон, Тожикистон ва Туркманистон Савдо-саноат палаталари, шунингдек Котибият ва Корея халқаро савдо уюшмаси ўртасида имзоланди.Тадбирда Ўзбекистон Республикаси Савдо-саноат палатаси раиси А. Икромов, Корея халқаро савдо уюшмаси раиси Ким Ёнгжу, "Корея-Марказий Осиё" ҳамкорлик форуми котибияти бош котиби, Корея Республикаси ташқи ишлар вазирининг ўринбосари, шунингдек элчилар ва иштирокчи давлатлар Савдо палаталарининг вакиллари иштирок этишди

.

Онлайн шаклда ташкил этилган учрашувда томонлар Корея Республикаси ва Ўзбекистон шунингдек Қозоғистон, Қирғизистон, Тожикистон ва Туркманистон ўртасидаги амалий ва узоқ муддатли ўзаро ҳамкорлик чоралари ҳамда иқтисодий ривожланиш соҳасига Кореянинг илғор тажрибасини жалб қилиш,  янги қўшма корхоналарни ривожлантиришга ҳисса қўшиш масалаларини муҳокама қилдилар. Мазкур амалга оширилиши режалаштирилаётган ишлар инвестицион ва савдо потентсиалини кенгайтириш имкониятини яратади.

Иштирокчилар, шунингдек, “B2B” музокаралари ва кооперацион биржаларни ташкил қилиш ҳамда барча олти мамлакат тадбиркорларини бирлаштириш мақсадида "Корея - Марказий Осиё" кўп ҳамкорлик бизнес форумини ташкил қилиш масаласини муҳокама қилдилар.

Ушбу видеоконференцалоқа якунида “Корея Республикасининг Марказий Осиё" Ишбилармонлик Кенгаши ни ташкил этиш бўйича ўзаро ҳамкорлик меморандуми имзоланди

Маълумот учун: “Корея Республикаси - Марказий Осиё" Ишбилармонлик Кенгашини ташкил этииш масаласи Қозоғистон Республикасининг Нур-Султон шаҳрида бўлиб ўтган XII Марказий Осиё Ҳамкорлик Форумида муҳокама қилинган эди (2019 йил октябрь).

"Корея-Марказий Осиё” ҳамкорлик форуми доирасида ҳар йили "Корея Республикаси - Марказий Осиё" ишбилармонлар кенгашининг йиғилишлари ташкил этилади.

ССП Ахборот-хизмати